🦪按此睇邊到10蚊生蠔同任食咁抵⬇️ 其實有一種食物任食係特別易回本，就係日本和牛，無論A4定A5，其實都係食幾碟就回本。今次呢間更加係有bug，平時任食邊爐和牛又係呢個價錢，佢地又係賣呢個價錢，但仲要跟埋其他重本嘢食真痴線。 其實呢間本身係間日本菜，之前推任食非常爆紅，而家定期都會轉啲新嘢，今轉見到有日本爆紅嘅黃金海膽龍蝦鍋，唔少得任食真日本A4和牛同廣島蠔，另外竟然仲有10蚊日本生蠔添。 - 🥘任食日本和牛 黃金海膽龍蝦湯鍋極尚套餐 ($498 / 原價$698) 呢個有bug嘅set嘅回本位真係多，任食日本宮崎A4和牛都算，任食即握壽司，又有日本生蠔食，又有得食埋北海道蟹腳或者巨型大頭蝦。 🦪日本直送即開生蠔 (追加+$10/隻) 平時餐廳做抵食生蠔優惠，都會限數量咁，但呢到竟然可以冇條件限制，10蚊就可以追加，而且都係日本兵庫縣直送嘅靚生蠔。(下邊set都可以揀免費跟4隻) 🥘鍋物 - 香濃海膽龍蝦湯 / 經典壽喜燒湯(二選一) 🔸無限任點美食 🥢任食宮崎A4和牛 🥢任食北海道米䐁 🥢任食廣島蠔 (煮熟食) 🥢溫泉蛋紫菜飯 🥢溫泉蛋稻庭烏冬 呢款日本爆紅嘅黃金海膽湯，呢到竟然都有得食，真係有海膽同龍蝦嘅鮮味，超足料熬成，A4和牛掛滿湯汁非常邪惡，仲有連廣島蠔都任食。 🍣任食12款即做手握壽司 因為佢地本身做日本菜，所以真係有壽司師傅即握靚壽司，仲要係赤醋飯，例如有油甘魚、三文魚、火炙和牛、火炙左口魚邊、香蔥吞拿魚蓉、飛魚籽、海膽魷魚。 🔸豪華主食 (按人頭一份) 🦀以下每位二選一 🥢浜燒北海道蟹腳 🥢黃金蟹膏醬燒巨型大頭蝦 🦪以下每位三選一 🥢日本直送即開生蠔4隻 🥢雜錦刺身盛 🥢手工串燒拼盤6款（鹽燒雞翼、鹽燒和牛粒、鹽燒牛舌、焦糖菠蘿、燒鮮冬菇、日式雞軟骨） 🔸精緻前菜 (按人頭一份) 🥢五色刺身海膽甜筒 🥢和風沙律 🍹2小時暢飲無酒精飲品 (+$68） 🍻2小時暢飲清酒、Suntory生啤、無酒精飲品（+$98) - 和道屋 @wado_izakaya 🗺️尖沙咀加連威老道46-48號恆隆銀行大廈地舖及閣樓 📞2392 8828 / 7076 8726

1498

22

1 days ago

🥩按此睇點樣14蚊買到華御結⬇️ 話說以前讀書未出黎做嘢，其實已經覺得華御結好食，但都唔敢日日食，因為啲零用錢用哂黎課金打機，果陣真係冇諗過長大成人後，竟然可以實現華御結自由，一次過買十幾件衣錦還鄉。 不過都要靠佢地呢個Pass先實現到，將啲御結變哂做14蚊真痴線，任何價錢嘅三角形御結都得，有啲計返其實都接近半價，唔好以為會有好多條件限制，只要有個Pass就可以任買。 - 🔸御結日嚐卡Omusubi Pass取得方法 而且個Pass都好易有，正常要儲值$100(可以直接當錢用)，先會有呢個pass，但而家下載OMUSUBI App註冊做新會員，就有得免費拎呢個pass，30日任買件件$14。 ❇️所有三角形御結都有$14，新出嘅限定都有~ - 華御結 @hanamusubiofficial 🗺️全線分店都有！(Sogo分店除外) 🌐Omusubi App下載連結：https://hyakunousha.qrd.by/ikuef0 #hanamusubi #華御結 #OMUSUBIApp #OmusubiPass #御結日嚐卡

1074

7

1 days ago

🇪🇸按此睇邊間西班牙菜小店咁正⬇️ 之所以咁多人dislike連鎖店或預製菜，都係因為缺少咗廚師嘅個性，因為一間餐廳有冇靈魂，係好視乎大廚過往嘅經歷。例如呢到大廚咁，可能係西班牙同日本混血兒，最拿手竟然係集合西班牙菜同日本菜。 片中之所以話大廚大有來頭，因為睇返餐廳介紹，原來係海外嘅藍帶深造過幾年，又係澳洲有名嘅餐廳取經幾年，贏過唔少廚藝比賽，估唔到而家係中環呢間小巷，經營一間應該全港唯一嘅日式西班牙Fusion。 - 🦀西班牙薯仔蟹肉蛋餅 ($128) 🍳西班牙炸薯粒配溫泉蛋 ($98) 呢件蛋餅真係出色到痴線，用夢王蛋混滿真蟹肉，中間做到軟心僅熟，蛋香又非常嫩滑；後者薯粒都配上慢煮夢王蛋，拌埋秘製辣汁，食到超上癮。 🥘西班牙海鮮飯 ($288) 老實講真係好食過唔少高級餐廳，飯粒真係滲透海鮮汁，又微微焦脆，新鮮海鮮熟度啱啱好，肉嫩又多汁，竟然都只係呢個價錢，西班牙海鮮飯黎講超抵。 🦐溏心爆膏瀨尿蝦 (預訂) 佢地最招牌嘅鎮店菜式，本身用上靚斑馬瀨尿蝦，已經非常爆膏，而且炭燒到僅僅半熟，肉嫩又做到蝦膏溏心，鮮甜到極。 🥓西班牙紅蝦他他配魚子醬 ($398) 🍗汁燒雞頸肉串、鵝肝 ($98) 而且啲菜式都有大廚嘅個性同設計，細鋪仔都做到fine dining咁，前者將矜貴嘅原隻西班牙紅蝦，拆肉做成刺身他他，再釀入脆球，擠埋蝦膏黎食真係幸福。 🍘白飯魚甜蝦脆脆 ($78) 🌶️西班牙小辣椒 ($98) 🫕西班牙分子蕃茄凍湯 🍶Sake 見到網上介紹呢到其中一位主理人，可以話係Sake大師，仲有出過書介紹Sake。而呢到嘅Sake好多都係少見嘅地酒，特意入超多款式，數量都係一支起兩支止，第到唔係咁易飲到。 - ABS About Savour @abs_about_savour 🗺️上環歌賦街51號地舖 📞9619 1862

468

8

1 days ago

🦀按此睇油麻地邊間Cafe西餐咁正⬇️ 有數據話香港餐廳平均都係5-6年命，近呢幾年可能再短咗，可能因為大家都係鍾意新鮮感。呢排都介紹幾多唔係好老嘅老店，即係超過5,6年果啲(分分鐘你地都食過)，唔知你地鍾唔鍾意睇，鍾意嘅話記得比個like話我知。 而呢間Cafe西餐都算係長命餐廳，本身開係小酒店入邊，以前都成日聽人講，今次都係第一次黎。估唔到環境舒服過癮之餘，啲嘢食都真係幾有heart，唔止足料，擺盤都誠意十足，睇下啲甜品幾誇張。 - 🦀明太子蟹肉扁意粉 ($178) 呢道真係近期甚至咁耐以黎，食過最濃厚嘅明太子意粉，最痴線係放上一整球蟹籽，一整球蟹肉，除咗掛滿明太子，拌埋啖啖都係蟹籽蟹肉，鮮甜得誇張。 🍖慢落豬 ($288) 超大串嘅慢煮豬串，全名其實係慢煮西班牙冰花酸梅黑毛豬串燒，慢煮到軟腍，又烤到焦甜，帶點酸梅香咁，唔知應唔應該叫佢做西式版叉燒，仲有配埋最愛嘅甜蕃薯條。 🦐原隻大蝦西西里醬扁意粉($208) 🍗美式甜辣香脆雞翼($68) 呢份雞翼真係值得一讚，好少可食到咁酥脆，真係酥果種酥脆，本身都以為係普通雞翼，但出奇地好食。 🔸甜品 🍮在森林和原野($148) 🌰陪你去看流星雨 ($128) 除咗擺盤靚到痴線，最估唔到都係意大利經典甜品，睇menu英文名先知(其實係意大利文)，分別係Tartufo Classico同Semifreddo，即係松露朱古力雪糕同意大利冰糕，真係有誠意。 🍹薄荷焦糖朱古力 🍹熱情果芒果橙沙冰 而且嘢飲都好有heart，睇下片中杯朱古力就知，上枱自己倒朱古力，將薄荷奶泡升起，做到好似Ramos Gin Fizz層泡咁。 - Wall is Eat 🗺️旺角砵蘭街28號M Hotel 1樓 📞2710 6633 / 9439 6585 ❇️更正：片頭應該係油麻地，油麻地站C出口行過去2分鐘~

1945

14

2 days ago

🥘按此睇邊間粵菜小炒老店咁正⬇️ 諗起舊時啲鋪頭，特別係啲茶記同茶樓，好多時都會有宵夜特價時段，但唔知係咪而家冇人出夜街，啲鋪頭就索性早啲收鋪，搵間開到凌晨嘅已經難得，更加唔好講咩宵夜特價。 呢間位於佐敦嘅懷舊粵菜老店，其實都幾出名下，可能有啲網友都食過，或者見過隻墨汁咁嘅黑松露燒鵝。佢地主打都係粵菜鑊氣小炒，估唔到有咁抵食嘅宵夜，當然一班人晚飯黎都非常正。 - 🦀水蟹粥 (宵夜特價 $138) 用上原隻新鮮水蟹熬粥，連埋其他材料熬到金黃色，鮮甜得誇張，其實真係幾抵食下，一煲份量都夠2-4人分。 🫕神燈一品多蔥炒飯 (宵夜特價$118) 少有地煲仔連明火爐上枱，黎到會再開火兜勻啲蔥，真係粒粒分明，而且咁樣面前即炒，成件事更加有鑊氣，仲要真係爆滿多蔥，夠哂香口惹味。 🍗黑松露玻璃燒鵝半隻 (宵夜特價$328) 呢隻正宗黑過墨斗嘅燒鵝，每隔一排就見網上有人討論，以為係燒燶咗。但其實係因為將黑棕鵝搽滿黑松露醬汁，成件事真係夠哂突出，難怪成為呢到招牌。 🥘古法炆斑翅 (時價) 🥓蒜蓉蒸骨腩 (時價) 1️⃣最過癮係佢地逢星期四，都會即日生劏一隻深海大老虎斑，超巨型大條果啲，開完魚就拆唔同部位出黎賣，唔係咁多機會食到。 2️⃣例如前者就用古法懷舊嘅做法，加入埋啲花菇同燒腩，去炆煮斑翅，煮到軟腍入味，聽講每晚一條都係得一份。 🌶️椒鹽軟殼蟹 (宵夜特價$76) 🍲清湯胡椒鮮豬蹄筋煲 (宵夜特價 $198) - 神燈海鮮酒家 🗺️佐敦長樂街14-20號18廣場地舖及1樓 📞2866 6292 (晚市) ❇️而且10:30pm後宵夜特價7折起，開到凌晨2點~

531

30

2 days ago

🥩按此睇邊到隱藏咗間牛扒鐵板餐⬇️ 細個同屋企人出街食，最鍾意就係嗌鐵板餐，望住Jar Jar聲真開心。以前好多茶記都會賣埋，但唔知點解越黎越少見，而且啲港式西餐都越黎越西式，成件事變咗童年回憶咁。 估唔到隱藏係呢到，搵到咁平靚正嘅鐵板牛扒，佢地主打都係懷舊港式平民西餐，其實本身都開咗近10年。仲有可能因為呢頭多一家大細黎玩，見到佢地熊仔主題超過癮，仲可以望溜冰場睇人打波。 - 🥘鐵板特濃芝士雞扒 ($108) 🥩鐵板西冷牛扒($153) 1️⃣上枱冧汁Jar Jar聲嘅鐵板，真係巨型大大塊，而且塊扒都幾靚又唔會太薄，鐵板上非常香口，如果鍾意粉嫩啲記得叫3成熟，加埋鐵板熱力啱啱好。 2️⃣呢個份量黎講真係抵食，都真係幾足料下，另外見到佢地有啲時段仲有折，最平75折食到，埋單先大約$100頭。 🥞黑松露牛油熊仔西多士($59) 呢份西多都真係少有，竟然配上黑松露牛油，但真係好食必叫，西多士索滿哂蛋漿炸香，蛋香同松露牛油非常夾，淋埋糖漿煉奶冇得輸。 🍰生日版雪糕心太軟($48) 🦑意大利魷魚墨魚汁意粉($82) 🍹黑熊特飲 - 可樂、朱古力雪糕、冰熊 🍹橙汁熊熊特飲 - 熊小館 🗺️九龍灣宏照道38號企業廣場5期MegaBox 11樓 📞3421 2213

752

6

3 days ago

🍹按此睇便利店有咩新雪條⬇️ 話說以前有啲朋友唔飲得，除咗call車送佢返屋企飲奶，都會試下用啲甜身嘅酒，用雪條模自製雪條玩下咁。其實concept就好似片中呢款咁，呢款仲好味啲方便啲，買上紅姐屋企做手信都ok。 其實之前都介紹過呢款調酒雪條，但佢地成日斷貨失蹤，最近竟然又係便利店出現返，都未必間間有，經過便利店記得昅昅，買定啲食完飯食返條都幾爽，啱哂夏天入貨塞爆雪櫃。 -
🍹Frozen Cocktails Mix Package (1盒5支 $50)
🔸Strawberry Daiquiri 🔸Gin & Tonic
🔸Mojito 🔸Limoncello
🔸Vodka Energy 呢款5%濃度嘅調酒雪條，五款分別係唔同Cocktails，其實都係酸甜易入口嘅味道，同埋都係偏向冰涼，有少少冰極果種感覺，夏天食真心爽，又可以tipsy啲咁chill下。 -
24 ICE
🗺️OK便利店有得買！ ❇️最正係買果陣室溫唔洗雪，就咁返屋企擺雪櫃就得，唔怕拎返龜果陣溶咗。

1806

7

3 days ago

🍔按此睇邊間爆滿芝士漢堡咁正⬇️ 好多人食Burger都係食塊漢堡肉，講求都係肉量肉汁同油脂咁，但其實塊包都好緊要，好似呢間用嘅法國牛油包Brioche Buns咁，上網睇聽聞係當年用過百萬買返黎嘅秘方，聽到都有啲想剩係買個淨包試下。 其實呢間Burger都開咗差唔多10年，本身都幾出名，上過亞洲top 5 best burger，主打漢堡都係走smash burger嘅路線，即係壓扁煎香果種美式街頭漢堡，而且少有地開到凌晨，宵夜整返個真邪惡。 - 🥩Singer Burger 牛肉漢堡 ($110) 🥩Doublecheese Burger雙層芝士牛肉漢堡 ($150) 連塊包都係自己秘方訂造，口感特別鬆軟，微甜又帶牛油香，而漢堡牛肉非常Juicy，煎到焦香滲滿油脂，再夾滿半溶芝士超正。 🧀芝士薯條 ($60) 🍗經典水牛雞翼 (6隻$70 / 12隻$110) 🍗蒜香巴馬臣芝士雞翼 (6隻$70 / 12隻$110) 最估唔到呢到有咁多款雞翼，講緊係有近10款，最正一定係招牌水牛雞翼，酸辣又夠脆身，而薯條都有5款，芝士薯條真痴線。 🥛曲奇Milk Shake 🍻生啤 除咗招牌Milk shake超濃厚邪惡，最正係呢到仲有生啤飲，唔記得價錢但都係幾十蚊幾抵飲，一啖Burger一啖生啤真心爽。 - Burger Joys 🗺️灣仔駱克道42-50號君悅居地下E號舖 📞63736668 ❇️開到凌晨2點！

1444

10

5 days ago

🇹🇭按此睇邊間鑊氣街頭泰菜咁正⬇️ 有時都有網友問我有冇北上，其實我都有，但暫時最北都係去到沙頭角，同埋黎上水食下嘢咁。其實呢區都隱藏唔少好嘢食，以前會覺得遠，但對比再北啲好似又唔算遠，唔知大家經開會唔會黎食嘢。 呢年特別流行街頭風嘅鑊氣泰菜，估唔到係呢區都搵到，質素竟然仲好過唔少市區泰菜，而且仲有呢期大家最愛嘅打拋飯，招牌仲有自家熬製濃湯船麵，出色到開間船麵專門店都得。 - 🍳三隻眼打拋豬炒飯 - 香葉肉碎 ($78) 鑊氣十足嘅打拋炒飯，鋪上煎到脆邊嘅三眼仔煎蛋，打爆蛋黃撈埋飯真心正，飯底又炒到微辣香口，粒粒飯粒都入哂味，越食越上癮。 🥩牛肉船粉 - 牛腩、牛肉、牛肉丸 ($60) 本身預計都只係餐牌其中一道菜咁，點知出色得驚喜，原來湯底每日足料鮮熬，熬到真係濃郁鮮甜，麵底索哂湯超正。 🍖火山骨 ($158) 超巨型足料肉骨，煮到肉質軟腍，醬汁酸辣帶鮮，撕開肉後索汁超開胃，而且火山骨黎講都幾抵食，百幾蚊有咁大份。 🦀咖哩蟹肉配蒜蓉包 ($268) 🦐泰式生蝦刺身 ($128) 🧋混雙泰奶 - 可選奶茶/奶綠/粉紅奶 (+$18) 值得一提呢到竟然有款雙拼茶飲，一隻杯裝住兩款茶，都係經典泰奶咁，連泰國粉紅奶都有，如果經開買返杯拎住飲都幾正。 - 泰正斗 🗺️上水馬會道158號地舖 📞9749 2338

609

9

6 days ago